इंग्लिस प्रिमियर लिगमा टोटनह्याम पराजित

एजेन्सी ।
इंग्लिस प्रिमियर लिग फुटबल अन्तर्गत शनिबार राति भएको खेलमा तेस्रो स्थानको टोटनह्याम पराजित भएको छ । माउरिसिओ पोकेटिनोको टिम टोटनह्याम घरेलु मैदानमै वेष्ट ह्याम युनाइटेडसँग पराजित भएको हो ।
वेष्ट ह्यामको जितमा ६७ औँ मिनेटमा मिखाइल एन्टोनियोले गरेको गोल नै निर्णायक बन्यो । पराजित भएको टोटनह्याम तेस्रो स्थानमा कायम छ, उसको ३६ खेलबाट ७० अंक छ ।
चौथो स्थानको चेल्सीको ३५ खेलबाट ६७ अंक छ । जित निकालेको वेष्ट ह्याम ४६ अंकसहित ११ औँ स्थानमा कायम छ । टोटनह्यामले च्याम्पियन्स लिग फुटबलको समेमिफाइनलमा अन्तर्गत पहिलो लेगमा मंगलबार अजाक्ससँग खेल्दैछ ।
प्रिमियर लिग फुटबल अन्तर्गत शनिबार राति भएका अरु खेलमा फुलह्यामले धेरैपछि जित निकालेको छ । उसले कार्डिफ सिटीलाई १–० ले हरायो ।

यस्तै वुल्भ्सले वाट्फोर्डलाई २–१ ले हरायो भने साउथह्याम्पटन र बोर्नमाउथले ३–३, ब्राइटन र न्युक्यासलले १–१ तथा क्रिष्टल प्यालेस र एभर्टनले गोलरहित बराबरी खेलेका छन् ।