दुर्घटना अपडेटः १४ जना यात्रु घाइते

मायादेवी अनलाइन, वाणगंगा ।
पूर्व पश्चिम महेन्द्र राजमार्ग अन्तर्रगत वाणगंगा नगरपालिकाको चप्परगाउँमा शनिबार विहान भएको बस दुर्घटनामा १४ जना यात्रु घाइते भएका छन् । काठमाडौंबाट धनगढी जाँदै गरेको बस दुर्घटना भएको हो ।
दुर्घटनामा घाइतेहरुको स्थानीय अस्पतालमा उपचार भैरहेको जिल्ला ट्राफिक प्रहरी कार्यालय गोरुसिंगेले जनाएको छ ।
तीव्र गतिको कारण दुर्घटना भएको हुन सक्ने प्रहरीको प्रारम्भिक अनुमान छ । बस सडकबाट नजिकै रहेको घर अगाडी पल्टिएको छ । अहिले प्रहरीले उद्धारको काम गरिरहेको छ ।