रियाल म्याड्रिड गेटाफेसँग बराबरीमा रोकियो

एजेन्सी ।
स्पेनिस ला लिगा फुटबलमा रियाल म्याड्रिड गेटाफेसँग बराबरीमा रोकिएको छ । ला लिगा अन्तरगत बिहीबार राति भएको खेलमा रियाल गेटाफेसँग निराशजनक गोलरहित बराबरीमा रोकिएको हो ।
रियाललाई बराबरीमा रोक्न गेटाफेका गोलरक्षक डेभिड सोरियाले उच्च प्रदर्शन गरे । खेलभर नै गेटाफेलाई रियालले दवावमा राख्न सफल भएपनि रियालले गोल गर्न असफल बन्यो ।
बराबरीसँगै रियाल शीर्षस्थानको बार्सिलोनासँग १५ अंकले तथा दोस्रो स्थानको शहरी प्रतिद्धन्द्धी एट्लेटिको मड्रिडसँग ६ अंकले पछि पर्दै तेस्रो स्थानमा यथावत छ ।
रियालको ३४ खेलबाट ६५ अंक रहेको छ । समान खेलबाट बार्सिलोनाको ८० तथा एट्लेटिकोको ७१ अंक छ । रियाललाई बराबरीमा रोक्न सफल गेटाफे ५५ अंक जोडेर चौथो स्थानमा रहेको छ ।