चन्द्रकान्त न्यौपाने, कपिलवस्तु ।
इण्डियन प्रिमियर लिग आइपिएलमा सनसनी मच्च्याएका सन्दिप लामिछाने सुटुक्क नेपाल आएका छन् । आफ्नो व्यक्तिगत काम भएको र तिनचार दिन विश्राम भएकाले बुधबार साँझ उनी नेपाल आएको सन्दिपका मेनेजर रमन सिवाकोटीले मायादेवी अनलाइनलाई जानकारी दिनुभयो । सन्दिप आफ्नो निवास चितवन आएका छन् ।
उनले कसैलाई पनि थाहा नदिई नेपाल आएका हुन् । उनी पारिवारिक कामका लागि आएको पनि उहाले जानकारी दिनुभयो । सन्दिप शुक्रबार नै दिल्ली फर्कने कार्यक्रम छ । अब दिल्लीले रोयल चयालेन्जर्स बैङलोरसंग खेल्दै छ । त्यसमा उनी खेल्न सक्ने पनि उहाँले बताउनु भयो ।
सन्दिप जारी आइपिएलमा ५ खेल खेल्दै आठ विकेट लिन सफल भएका छन् । यसअघि पंजावविरुद्धको खेलमा क्रिस गेल र केएल राहुलसहित ३ विकेट लिएपछि आइपिएलमा उनको चर्चा झन् चुलिएको छ । सन्दिप इमर्जिङ प्लेयर अवार्डमा पनि परेका छन् ।
प्रतिक्रिया