राजस्थानलाई दोस्रो खेलमा पनि मुम्वईले जित्न सकेन

एजेन्सी ।
इन्डियन प्रिमियर लिग (आईपिएल) क्रिकेटमा राजस्थान रोयल्सले मुम्बई इन्डियन्सलाई फेरि निराश बनाएको छ। आईपीएलको जारी सिजनको पहिलो भेटमा ४ विकेटको जित दर्ता गरेको राजस्थानले शनिबार ५ विकेटको जित हात पारेको हो।
मुम्वईले दिएको एक सय ६२ रनको लक्ष्य राजस्थानले ५ बल बाँकी छँदै ५ विकेटको क्षतिमा पूरा गर्यो। हारसँगै मुम्वईले शीर्षस्थानमा उक्लने मौका गुमाएको छ।
टस जितेर राजस्थानले फिल्डिङ रोजेपछि पहिले ब्याटिङ गरेको मुम्बईले निर्धा्रित ओभरमा ५ विकेट गुमाएर एक सय ६१ रन बनाएको थियो । राजस्थानको जितमा स्टेभिन स्मिथले नटआउट ५९ रन बनाउँदा राइन पराग ४३ र सन्जु सामसन ३५ रनको योगदान दिए।
त्यसअघि ओपनर क्विनटन डिककको अर्धसतकमा मुम्वईले सम्मानजनक स्कोर बनाएको हो। क्विनटनले ४७ बलको सामना गरेका उनले ६ चौका र २ छक्काको मद्दतमा ६५ रन बनाएका थिए।
कप्तान रोहीत शर्मा ५ रनमा आउट भए। सूर्यकुमार यादवले ३४ र हार्दिक पाण्ड्याले २३ रन जोडे। राजस्थानका लागि श्रेयस गोपालले २ विकेट हात पारेका थिए।
जितसँगै राजस्थानले ९ खेलमा ६ अंक जोडेपनि अंक तालिकाको सातौं स्थानमा यथावत छ। १० खेल खेलेको मुम्बई पनि ६ जितसहित १२ अंकका साथ अंकतालिकाको दोस्रो स्थानमा यथावत छ।