एपिएफ विरुद्ध आर्मीको शानदार जित

मायादेवी अनलाइन, वाणगंगा ।
प्रदेश ५ मा संचालन भइरहेको आठौ राष्ट्रिय खेलकुद अन्तर्रगत कपिलवस्तुको बुद्ध रंगशालामा जारी महिला फुटवलमा त्रिभुवन आर्मी क्लबले सशस्त्रको एपिएफलाई स्तब्ध बनाएको छ । जारी खेलमा उत्कृष्ट प्रर्दशन गर्दै आएको एपिएफ त्रिभुवन आर्मी संग ३–० ले पराजित भएको हो । खेलको पहिलो हाफमा बराबरी खेलेको एपिएफले दोस्रो हाफमा भने निरासाजनक नतिजा भोग्न बाध्य भयो ।
खेलको ५० औं मिनेटमा जर्सी नं. २३ की इन्दिरा राईले पहिलो गोल गरिन । यस्तै खलेको ६४ औं मिनेटमा जर्सी नं. ९ की शर्मिला थापाले दोस्रो गोल गरेपछि एपिएफलाई थप दबाबमा राखेको थियो ।
आर्मीका हरेक गोल रोक्ने प्रयास गरेको एपिएफले खेलको ६९ औं मिनेटमा जर्सी नं. १० की कृष्णा खत्रीले तेस्रो गोल गरेर आर्मीले ३–० को स्पष्ट जित हासिल गरेको छ ।