पहिलो हाफः नेपाल आर्मी प्रदेश १ भन्दा दुई गोलले अगाडी

मायादेवी अनलाइन, वाणगंगा ।
कपिलवस्तुको बुद्ध रंगशालामा शुक्रबार तेस्रो दिनको खेल जारी छ । आठौं राष्ट्रिय खेलकुद अन्तर्रगत महिला फुटवलमा अहिले त्रिभुवन आर्मी क्लब र प्रदेश नं. १ भिडिरहेका छन् ।
जारी खेलको पहिलो हाफ सकिदा आर्मीले प्रदेश १ का विरुद्ध दुई गोल हानेको छ ।
जसमा खेलको ५ औं मिनेटमा जर्सी नं. १० की कृष्णा खत्रीले पहिलो गोल गरी आर्मीलाई सुरुवाती अग्रता दिलाइन् । यस्तै खेलको १५ औं मिनेटमा जर्सी नं. १५ की विमला चौधरीले दोस्रो गोल गरिन् ।
निकै प्रतिस्पर्धात्मक भएको खेलमा प्रदेश नं. १ ले आर्मीका पटक पटकका गोल रोक्ने मौकालाई रोकेको छ । विहीबार विहान भएको पहिलो खेलमा गण्डकी विरुद्ध ११–० गोल अन्तरले हराएको आर्मी उच्च मनोबलका साथ मैदानमा छ ।
एपिएफ संग ६–० गोल अन्तरले पराजित भएर निकै दबाबमा रहेको प्रदेश नं. १ आजको खेलमा जित निकाल्ने कोशिसमा छ ।