कमजोर लेगानेससँग रियल मड्रिड १–१ को बराबरीमा रोकियो

एजेन्सी,

स्पेनिस ला लिगा फुटबल अन्तर्गत सोमबार राति भएको खेलमा रियल मड्रिड बराबरीमा रोकिएको छ । तुलनात्मक रुपमा कमजोर मानिएको टिम लेगानेससँग रियल मड्रिड १–१ को बराबरीमा रोकिएको हो ।

अवे मैदानमा भएको खेलमा रियल मड्रिड पहिलो हाफमा पछि परेको थियो । ४५ औँ मिनेटमा जोनथन सिल्भाले गोल गर्दै घरेलु टिम लेगानेसलाई पहिलो हाफमा १–० को अग्रता दिलाए ।

५१ औँ मिनेटमा रियल मड्रिडका लागि करिम बेन्जिमाले बराबरी गोल फर्काएका हुन् । तेस्रो स्थानको रियल मड्रिडको ३२ खेलबाट ६१ अंक भएको छ । दोस्रो स्थानको एथ्लेटिको मड्रिडको ६५ तथा लिग लिडर बार्सिलोनाको ७४ अंक छ ।