नयाँ बर्षको स्वागतमा मध्यरातमा आकाशवाणी

मायादेवी अनलाइन, वाणगंगा ।
आजबाट औपचारिक रुपमा नयाँ बर्ष २०७६ सुरु भएको छ । मध्यरातमा १२ बजेपछि वि सं २०७५ अन्त्य भई २०७६ को सुरुवात भएको हो । नयाँ बर्ष २०७६ को अवसरमा मध्यराती १२ बजेसम्म कपिलवस्तु लगायत देशभर बिभिन्न कार्यक्रम सम्पन्न भएका छन् ।
कपिलवस्तुको ४ नम्बरमा भएको विशेष कार्यक्रममा मध्यराति १२ बजे भव्य आकाशबाणी भएको छ । बाणगंगा स्पोर्टस एण्ड वेलफेयर सोसाइटीको आयोजनामा भएको नया बर्षको शुभकामना आदान प्रदान कार्यक्रमपछि ठिक १२ बजे वृहत रुपमा आकाशमा पटाका पड्काइएको थियो भने आकाशबाणी गरिएको थियो ।
जिल्लाका बिभिन्न स्थानबाट भेला भएका व्यक्तिहरु ४ नम्बरमा जम्मा भएर नाचगान गरी एक आपसमा शुभकामना आदानप्रदान गरी नयाँ बर्षलाई स्वागत गरेका थिए ।
नयाँ बर्षको स्वागतमा गजेहडामा पनि भव्य भव्य कार्यक्रम भएको थियो । गजेहडा चोकमा भएको कार्यक्रमबाट सयौं सर्वसाधारणले नयाँ बर्षको स्वागत गरेका हुन ।