मायादेवी अनलाइन ।
शिखर धवनको विष्फोटक ब्याटिङमा दिल्ली कयापिटल्सले कोलकाता नाइट राइडर्स माथि शानदार जित निकालेको छ । आफ्नो छैठौं खेलसम्म ३ हार भोगेको दिल्लीले सातौँ खेलमा जित निकाल्दै चौथो जित दर्ता गर्न सफल भएको हो । यो जितसंगै पञ्जाबलाई पछि पार्दै दिल्ली ८ अंकसहित चौथो स्थानमा उक्लिएको छ । १७९ रनको लक्ष्य दिल्लीले १८ ओभर पाँच बलमा मात्रै तीन विकेटको क्षतिमा भेट्टाएको हो ।
दिल्लीको जितमा शिखर धवनले उत्कृष्ट प्रदर्शन गरे । उनले ६३ बलमा ११ चौका र दुई छक्काको सहयोगमा नटआउट ९७ रन बनाएका हुन् । यस्तै ऋषभ पन्तले ३१ बलमा ४६ रनको योगदान दिए ।
यसअघि पहिले ब्याटिङ्ग गरेको कोलकाताले सात विकेटको क्षतिमा १७८ रन बनायो । उसका लागि शुभमन गिलले ६५ तथा आन्द्रे रुसेलले ४५ रनको योगदान दिए ।जारी सिजनमा सातमा ६ खेल जितेको चेन्नइ १२ अंकसहित शीर्ष स्थानमा छ भने समान चार खेल खेलमा जित निकालेका कोलकाता, मुम्बई र पंजाब दोश्रो, तेश्रो र पाँचौ स्थानमा छन् ।
प्रतिक्रिया