विप्लव समूहका मकवानपुर इञ्चार्ज ’ज्वाला’ पक्राउ

हेटौंडा ।
नेत्र विक्रम चन्द विप्लव नेतृत्वको नेकपाका जिल्ला इन्चार्ज वीरबहादुर घलान ’ज्वाला’ पक्राउ परेका छन्। मकवानपुरका प्रहरी प्रमुख एसपी मुकेशकुमार सिंहले उनलाई बिहीबार राति पक्राउ गरेको पुष्टि गरेका छन् ।
ज्वालासँगै अर्का एकजना पनि पक्राउ गरेको सिंहले जानकारी दिए। ज्वालालाई हेटौंडा उपमहानगरपालिका(८ फायरलाइनबाट पक्राउ गरिएको हो ।
सवारीसाधन चेकिङ गर्ने क्रममा मोटरसाइकलमा रहेका ज्वालासहित वीरबहादुर मोक्तानलाई पनि पक्राउ गरिएको मकवानपुर प्रहरी प्रवक्ता सागर राणाले जानकारी दिए । ज्वालालाई जिल्लामै राखिएको एसपी सिंहले जानकारी दिए । प्रहरीका अनुसार ज्वाला र मोक्तानलाई सशस्त्र प्रहरीले पक्राउ गरी जिल्लामा बुझाएको हो ।