ज्योती मगरले तताइन प्राचिन कपिलवस्तु महोत्सव

मायादेवी अनलाइन, वाणगंगा ।

तौलिहवामा जारी छैठौं प्राचिन कपिलवस्तु महोत्सवमा हट गायिकाले चिनिएकी ज्योती मगरले माहोल तताएकी छिन् । मगर आउने खबर पाएपछि महोत्सवमा दर्शकको ओइरो लागेको थियो । रातीमा सञ्चालन हुँदै आएको महोत्सवमा विहीबार राती मगरको प्रस्तुती रहेको थियो ।

उनले आधा दर्जन गीत मार्फत दर्शकलाई मनोरञ्जन प्रदान गरिन । मगरको गीतमा युवायुवती छमछमी नाचे । सटिक र व्यंग्यात्मक भनाई राख्दै आफ्नो प्रस्तुती देखाएकी उनले हजारौं दर्शकको वाहवाह पाएकी छिन् ।

चैत्र ३० गते सम्म चल्ने महोत्सवमा यसभन्दा अगाडी चर्चित लोक तथा दोहोरी गायक पशुपति शर्माले प्रस्तुती दिएका थिए । महोत्सवमा दिनहुँ जसो दर्शकको घुइँचो देखिन्छ ।