दोस्रो मेयर कपको फाइनल शुक्रबार, उपाधिका लागि वडा नम्बर २ र ४ भिड्ने

दीपा महत, वाणगंगा ।
कपिलवस्तुको वाणगंगामा जारी दोस्रो मेयरकप फुटवल प्रतियोगितामा आज (बिहिबार) मैत्रीपूर्ण खेल सम्पन्न भएको छ । वाणगंगा नगरपालिकाका जनप्रतिनीधि र नगरका कर्मचारी विच भएको मैत्रीपूर्ण खेलमा कर्मचारी समुह ३–० ले विजयी भएका छन् ।
जनप्रतिनिधी भने गोल विहिन बन्यो । शुक्रबार दोस्रो मेयरकप फुटवल प्रतियोगिताको फाइनल खेल हुने भएको छ । दिउँसो ३ बजे बुद्धरंग शालामा हुने प्रतियोगितामा वडा नम्बर २ र ४ विच फाइनल खेल हुने छ ।
(बुधबार) दुवै टोली वडा नम्बर १ र ७ लाई पराजित गर्दै फाइनलमा प्रवेश गरेका हुन् । स्थानिय स्तरमा खेलको प्रर्वद्धन गर्दै स्थानीय खेलाडीलाई राष्ट्रिय स्तर सम्म पु¥याउन प्रतियोगिता आयोजना गरिएको हो । प्रतियोगितामा विजेताले नगद ८० हजार सहित शिल्ड, मेडल र प्रमाण पत्र प्राप्त गर्ने छ भने उप विजेताले नगद ५५ हजार सहित शिल्ड, मेडल र प्रमाणपत्र प्राप्त गर्ने छ ।