आइपीएलः आज राजस्थान र चेन्नईबिच प्रतिस्पर्धा हुने

काठमाण्डौ ।
भारतमा भइरहेको बाह्रौँ संस्करणको इन्डियन प्रिमियर लिग (आइपिएल) अन्तर्गत बिहीबारको खेलमा चेन्नई सुपर किङ्स र राजस्थान रोयल्सबिच प्रतिस्पर्धा हुँदैछ। खेल नेपाली समय अनुसार बेलुका ८ बजेर १५ मिनेटमा सुरु हुनेछ ।
महेन्द्रसिंह धोनीको कप्तानीमा रहेको चेन्नई आफूले खेलेका ६ खेलमध्ये ५ मा जित निकाल्दै १० अंकका साथ अंकतालिकाको शीर्ष स्थानमा छ। यस्तै अजिन्क्या रहाणेको कप्तानीमा रहेको राजस्थान आफूले खेलेका ५ खेल मध्ये ४ खेल गुमाउँदै २ अंकसहित अंकतालिकाको सातौँ स्थानमा छ ।
प्रतियोगितामा उत्कृष्ट प्रदर्शन गर्दै आइरहेको चेन्नई तीन पटकको आइपिएल विजेता टोली हो। उसले सन् २०१०, २०११ र २०१८ मा उपाधि उचालेको थियो। राजस्थानले भने एकपटक उपाधि जितेको छ । उसले २००८ मा भएको आइपिएलको फाइनलमा चेन्नई सुपर किङ्सलाई पराजित गर्दै उपाधि कब्जा गरेको थियो ।