च्याम्पियन्स लिगः लिभरपुलको शानदार जित

एजेन्सी । 

गएको वर्षको फाइनलिस्ट लिभरपुलले यो वर्ष पनि च्याम्पियन्स लिग फुटबलमा राम्रो प्रदर्शन गर्दै आएको छ । क्वाटरफाइनल अन्तर्गत मंगलबार राति भएको पहिलो लेगमा लिभरपुलले एफसी पोर्टोलाई २ ० ले हराएको छ ।

घरेलु मैदानमा भएको खेलमा लिभरपुलले दुवै गोल पहिलो हाफमा गरेको हो । लिभरपुलको जितमा नाबी केइता र रोबर्टो फिरमिनोले गोल गरेका हुन् । केइताले पाँचौँ मिनेटमा नै गोल गर्दै टिमलाई सुरुवाति अग्रता दिलाए ।

२६ औँ मिनेटमा फिरमिनोले गोल गर्दै अग्रता दोब्बर पारे । दोस्रो हाफमा दुवै तर्फबाट गोल हुन सकेन र जर्गेन क्लोप्पको टिम लिभरपुल २ ० ले विजयी भयो । दोस्रो लेग अप्रिल १७ मा पोर्टोको मैदानमा हुनेछ ।