राम प्रघट कोरी, विजयनगर ।
विजयनगर गाउँपालिका वडा नं. ४ डगडौवामा रहेको जामिया राजविया लिलबनात गल्स स्कुलको छात्रावास भवनको मंगलबार शिलन्यास गरिएको छ । छात्राबासको इस्लाम धर्म गुरु सैयद अनिसैरुल रहमान र विजयनगर गाउँपालिका अध्यक्ष गोपाल थापाले शिलन्यास गरेका हुन ।
गाउँपालिकाको १ करोड ५ लाख लागतमा निर्माण हुनलागेको छात्राबास भवनको शिलन्यास गदै गाउँपालिका अध्यक्ष थापाले मुस्लिम धर्मालम्बी बालिकाहरुका लागी शिक्षा हासिल गर्नको लागी सहजता होस भन्ने उद्देश्य भवन निर्माण गर्न लागीएको बताए । गाउँपालिकाको समग्र विकासका लागी शिक्षा पहिलो खुड्कीलो भएकोले शिक्षाबाट कोहि पनि बन्चित हुन नहुन उनले बताए ।
मुस्लिम समुदायका बालिकाहरुले अध्ययन गर्ने गल्स स्कूलमा आधुनिक शिक्षा पनि प्रदान गरिने थापाले उल्लेख गरे । बैशाख १४ गते मन्त्री लालबाबु पण्डित उद्घाटन गरेको गल्स स्कूलले एक बर्षमा छात्राहरुलाई आवस सहितको सुविधा सम्पन्न भवन निर्माणको थालिन गर्न पाएकोमा थापाले गल्स स्कूलका मौलवीहरुलाई धन्यवाद व्यक्त गरे । विद्यालय जाने सबै उमेरका बालबालिकाहरुलाई धार्मिक शिक्षा संगै आधुनिक र नैतिक शिक्षा प्रदान गर्न अध्यक्ष थापाले आग्रह समेत गरे ।
गाउँपालिकाले मुस्लिम समुदायका छात्राहरुको शिक्षाको विशेष पहल केन्द्र र प्रदेशमा पनि गरिदिएकोमा धर्म गुरु पिर साहाब सयैद अनिसैल रहमानले अध्यक्ष थापालाई कृतज्ञता प्रकट गरे । छात्राहरुको आवासका लागि निर्माण हुन लागेको भवन निर्माण कार्यमा सम्पूर्ण सहयोग उपलब्ध गराउने र समयमा नै भवन निर्माण सम्पन्न गर्ने उनले बताए ।
शिलन्यास कार्यक्रममा वडा नं. ४ का वडा अध्यक्ष तिलकराम कडेल, स्थानिय शिक्षा प्रेमी, मुस्लिम अगुवाहरुको सहभागिता रहेको थियो । वेभ कन्ट्रक्सनले भवन निर्माणको जिम्मा लिएको छ ।
प्रतिक्रिया