अर्घाखाँचीमा जीप दुर्घटनाः २ जनाको मृत्यु, घाइते १२ मध्ये ४ को अवस्था गम्भीर

अर्घाखाँची ।
अर्घाखाँचीको नुवाकोटमा भएको जीप दुर्घटनामा २ जनाको घटनास्थलमै ज्यान गएको छ भने १२ जना घाइते भएका छन । घाइतेमध्ये ४ जनाको अवस्था गम्भीर रहेको छ ।
भूमिकास्थान नगरपालिका वडा नम्बर ८ नुवाकोटको लात्तेबाजमा लु १ ज १२२९ नम्बरको जीप दुर्घटना भएको हो । दुर्घटनामा घाइते भएका सबै घाइतेलाई उपचारको लागि जिल्ला अस्पताल पठाउन थालिएको घटनास्थलबाट प्रहरी निरिक्षक गम्भीरजंग थापाले बताउनुभयो ।
सन्धिखर्कबाट प्युठानको बरौला जादै गरेको जीप सडकबाट झण्डै एक सय मिटर तल खसेको हो । ज्यान गुमाउनेहरुको सनाखत हुन सकेको छैन ।