आईपीएलः राजस्थानलाई हराउदै कोलकत्ता शिर्षस्थानमा

एजेन्सी ।
क्रिस लीनको अर्धशतकमा १२ औं संस्करणको इण्डियन प्रिमियर लिग (आइपीएल) क्रिकेटको २१ औं खेलमा कोलकत्ता नाइट राइडर्स विजयी भएको छ ।
१४० रनको लक्ष्य पाएको कोलकत्ताले १३ ओभर ५ बलमा २ विकेट गुमाउँदै लक्ष्य पुरा गरेको हो । जयपुरमा टस हारेर ब्याटिङ गरेको राजस्थान रोयल्सले निर्धा्रित २० ओभरमा ३ विकेट गुमाएर १३९ बनाएकव थियो ।
कोलकताको जितका लागि क्रिस लीनले अर्धशतकीय पारी खेले । उनले ३२ बलमा ३ छक्का र ६ चौकाको मद्दतले ५० रन बनाएका थिए । त्यसैगरी सुनिल नाराइनेले ४७ रन र रोविन उथप्पाले २५ रन जोडेका थिए । राजस्थानका लागि श्रेयस गोपालले २ विकेट लिएका थिए ।
त्यसअघि राजस्थानका लागि स्टिभ स्मिथले अर्धशतकीय पारी खेलेका थिए । उनले ५९ बलमा नटआउट ७ चौका र १ छक्काको मद्दतले ७३ रन बनाएका हुन् । यस्तै जोस बट्लरले ३७ रन जोडे । कोलकताका लागि ह्यारी ग्रोनीले २ विकेट र प्रसिद कृष्णले १ विकेट लिए ।