अनिताको हत्यामा संलग्न भारतबाट पक्राउ, सार्वजनिक गर्ने तयारी

मायादेवी अनलाइन, वाणगंगा ।
कपिलवस्तु प्रहरीले वाणगंगा ४ की अनिता पौडेलका हत्यारा पक्राउ गरेको बताइएको छ । गत फाल्गुण १० गते राती विभत्स हत्या गरिएकी पौडेलका हत्यारालाई प्रहरीले पक्राउ गर्न सफल भएको हो । लामो डेढ महिना देखि हत्याको अनुसन्धान जारी थियो ।
जिल्ला प्रहरी कपिलवस्तुले यसको विस्तृत विवरण नदिए पनि विशेष स्रोतले हत्यारालाई भारतबाट नेपाल झिकाइ सकेको छ । कपिलवस्तु प्रहरीले शुक्रबार विहान पत्रकार सम्मेलन गरी हत्यारा सार्वजनिक गर्ने तयारी गरेको छ ।
पौडेलको हत्याबारे रेडियो मायादेवी र मायादेवी अनलाइन डटकमले निरन्तर रुपमा खबर प्रशारण गर्दै आएको छ । हत्यारालाई चाडो पक्राउ गर्न परिवारले पनि दबाब दिदै आएका थिए । पाहुना बनि आएका दुई जना व्यक्तिले पौडेलको हत्या गरेर फरार भएका थिए ।