विश्व नम्बर वान स्पिनर रसिद र सन्दिपको भेट

मायादेवी अनलाइन ।
ट्वान्टी–२० क्रिकेटमा विश्वकै एक नम्बरका बलर रसिद खानसंग नेपाली क्रिकेटर सन्दिप लामिछाने भेट भएको छ । राती सबा ८ बजे सन्दिपको टिम दिल्ली र रसिदको टिम सनराइजर्स हैदराबाद एक आसिमा भीँड्दै छन् । त्यसैको पूर्वअभ्यासमा सन्दिप र रसिद साँच्च्किै भेट भएका छन् । सोही म्याचका लागि पूर्वाभ्यास गर्न रसिद र सन्दीप दुवै कोटला मैदानमा थिए । एकदिवसीय क्रिकेटमा विश्वकै उत्कृष्ट अलराउन्डर अफगानिस्तानका २० वर्षे स्पिनर रसिद खान  र १९ वर्षे सन्दीप लामिछानेको टिम आज आइपिएलमा भेट हुदै छन् ।  दुवैले करिब ३ घण्टा मैदानमा अभ्यास गरे । त्यसक्रममा रसिद र सन्दीपको आपसी मेल लोभलाग्दो थियो । मैदानमा रहेका अन्य खेलाडीले पनि उनीहरूबीचको हिमचिम बडो रोचक ढंगले नियालिरहेका थिए । बिहीबारको खेलमा सन्दीपले खेल्न पाउने नपाउने अझै निश्चित छैन । जबकि हैदराबादका लागि रसिद बलिङ मेरुदण्ड नै हुन् । हुन त यो सिजनमा रसिदभन्दा राम्रो नतिजा दिएका छन् सन्दीपले ।

रसिदले ३ खेलेमा २ विकेट लिएका छन् । आफ्नो पहिलो म्याचमा पनि एक विकेट लिन सफल भएका सन्दीपले दुई म्याच खेलेर तीन विकेट लिइसकेका छन् ।अघिल्लो वर्ष सन्दीपलाई अन्तिम तीन खेलमा मात्र मौका दिएको दिल्लीले यो सिजनमा दोस्रो खेलदेखि नै मैदानमा उतारेको छ । त्यसले टिमको उनीप्रतिको भरोसा र विश्वास गत वर्षभन्दा थप बढेको देखिन्छ ।सँगै उनको हालसम्मको प्रदर्शन पनि उत्कृष्ट छ । त्यस हिसाबले पनि बिहीबार गृहमैदानमा हुने हैदराबादविरुद्धको म्याचमा सन्दीपले अवसर पाउने सम्भावना नकार्न सकिँदैन । त्यसो भयो भने सन्दीप र रसिदको बलिङको ‘फिर्की’ निकै नै रोमान्चक हुने निश्चित छ ।