एजेन्सी । चेल्सीले शीर्ष चारमा पर्दै आउँदो सिजनका लागि च्याम्पियन्स लिग फुटबलमा स्थान पक्का गर्ने सम्भावना जीवित राखेको छ ।
इंग्लिस प्रिमियर लिग फुटबल अन्तर्गत बुधबार राति भएको खेलमा ब्राइटनमाथि ३–० को महत्वपूर्ण जित निकाल्दै चेल्सी पाँचौँ स्थानमा उक्लिएको छ र उसले चौथो स्थानको आर्सनलसँग अंक बराबरी गरेको छ ।
घरेलु मैदानमा भएको खेलमा चेल्सीको जितमा ओलिभर जिरउड, इडन हजार्ड र रुबेन लोप्तुस चीकले गोल गरेका हुन् । पहिलो हाफमा एक तथा दोस्रो हाफमा दुई गोल गरेको हो ।
३८ औँ मिनेटमा जिरउडले गोल गर्दै चेल्सीलई पहिलो हाफमा १–० को अग्रता दिलाए । ६० औँ मिनेटमा हजार्ड तथा ६३ औँ मिनेटमा चीकले गोल गरेपछि चेल्सीको ३–० को जित निश्चित भयो ।
जितपछि म्यानचेस्टर युनाइटेडलाई पछि पार्दै पाँचौँ स्थानमा पुगेको चेल्सीको ३२ खेलबाट ६३ अंक भएको छ । छैटौँ स्थानमा पुगेको म्यानचेस्टर युनाइटेडको भने समान ३२ खेलबाट ६१ अंक छ । पन्ध्रौँ स्थानको ब्राइटनको ३१ खेलबाट ३३ अंक छ ।
प्रतिक्रिया