एजेन्सी ।
ब्रुनाईमा कडा स्लामिक कानुन लागु भएको छ, यो कानुन अनुसार समलिंगी यौन सम्बन्धका कायम गरेमा मृत्युदण्डको सजाय हुनेछ । समलिंगी यौन सम्बन्ध कायम गर्नेलाई ढुंगाले हिर्काएर मृत्युदण्ड दिने व्यवस्था नयाँ कानुनमा गरिएको छ ।
बुधबारदेखि लागु भएको कानुन अनुसार समलैंगिकतालाई मृत्युदण्ड पाउने अपराध ठहर गरिएको छ। अन्तर्राष्ट्रिय समुदायले यसको चर्को आलोचना गरेका छन् । ब्रुनाइको समलिंगी समुदायले आपत्ति तथा आफूहरुको सुरक्षालाई लिएर चिन्ता व्यक्त गरेको छ ।
एक समलिंगी पुरुषले बिबिसीसँग भनेका छन्, ‘छिमेकी, परिवार तथा अरु सबैले हामीलाई मानिससम्म पनि नठान्ने भयो, र अब ढुंगाले हिर्काउने उक्साउने भयो ।’ ब्रुनाइमा यसअघि नै समलैंगिकता अपराध थियो र १० वर्षको जेल सजाय हुने व्यवस्था थियो ।
सन् २०१४ मा ब्रुनाइले इस्लामिक शरिया कानुन अपनाएको थियो । व्यापक विरोधका बाबजुद ब्रुनाई शरिया कानुन अपनाउने पहिलो पूर्वी एसियाली देश बनेको थियो । ब्रुनाइको सत्ता ७२ वर्षका सुल्तान हासनाल बोल्किहको नियन्त्रणमा छ ।
नयाँ कानुन अनुसार बलात्कार, एडल्ट्री, एनल वा ओरल सेक्स, डकैती तथा मोहम्मदको निन्दा गरेमा मृत्युदण्डको सजाय हुन्छ ।
यस्तै गर्भपतन गराएमा सार्वजनिक स्थानमा लगेर कोर्रा हान्ने, चोरी गर्नेको हातगोडा काट्ने सजायको व्यवस्था गरिएको छ । ब्रुनाइमा दुई तिहाइ जनसंख्या मुस्लिम छन् ।
प्रतिक्रिया