इटालियन सिरी ए मा युभेन्टस विजयी

एजेन्सी ।
इटालियन सिरी ए फुटबल अन्तर्गत मंगलबार राति भएको खेलमा लिग लिडर युभेन्टस विजयी भएको छ । अवे मैदानमा भएको खेलमा युभेन्टसले काग्लिएरीलाई २–० ले हराएको हो ।
युभेन्टसको जितमा लियोनार्डो बानुकी र मोइस केनले गोल गरेका हुन् । २२ औँ मिनेटमा बानुकीको गोलबाट युभेन्टसले पहिलो हाफमा १–० को अग्रता लियो । ८५ औँ मिनेटमा केनले गोल गरेपछि टिम २–० ले विजयी भयो ।
जितपछि युभेन्सको ३० खेलबाट ८१ अंक भएको छ । एक खेल कम खेलेको दोस्रो स्थानको नापोलीको ६३ अंक छ । लिग अन्तर्गत मंगलबार राति नै भएको खेलमा एसी मिलाना र युडिनेसले १–१ को बराबरी खेलेका छन् ।