एसईईको अन्तिम दिन, एक आपसमा खुसी साट्दै विद्यार्थी (फोटोमा जे देखियो)

मायादेवी अनलाइन, वाणगंगा ।
गत चैत १० गते देखि सुरु भएको एसईई परीक्षा सोमबार (आज) सकिएको छ । देशका ७ ओटा प्रदेश मध्ये ६ ओटा प्रदेशमा सोमबार एसईई परीक्षा सकिए पनि प्रदेश नं. २ मा भने परीक्षा स्थगित हुन पुगेको छ । परीक्षाको प्रश्नपत्र बाहिरीए पछि प्रदेश नं. २ को परीक्षा स्थगित हुन पुगेको हो । यद्यपि अरु प्रदेशमा एसईई परीक्षा मर्यादित भएको छ ।
पढाई जीवनमा एसईई परीक्षाको आफ्नै महत्व हुन्छ । जीवनले भर्खरै बाल्यकाल छाड्ने थालनी गर्नु र उमेरको परिपक्कता विस्तारै बढ्दै जादाको समयमा दिनुपर्ने एसईई परीक्षा सबै हिसाबले स्मरण योग्य हुन्छ । त्यसैले त होला कपिलवस्तु वाणगंगा क्षेत्रका विद्यार्थीले एसईइ परीक्षाको अन्तिम दिन साथी साथी बीच यसरी खुसी साटे ।