विद्यानगर गोलीकाण्डः घाइते पुरीको निधन

मायादेवी अनलाइन, कपिलवस्तु ।

गएराती गोली प्रहारबाट घाइते भएका पारस पुरीको ज्यान गएको छ । कपिलवस्तुको पश्चिमी क्षेत्रका पुरीको उपचारको क्रममा निन भएको प्रहरीले जनाएको छ ।
परिचय नखुलेका मानिसका समूहले गोली प्रहार गर्दा कृष्णनगर नगरपालिका –१० विद्यानगरका ४५ वर्षका पुरीको ज्यान गएको प्रहरी नायव उपरीक्षक रवि रावलले बताउनुभयो ।
गोली प्रहारबाट घाइते भएका पुरीको उपचारका क्रममा आइतबार राति बुटवलमा ज्यान गएको हो । उनी वैदेशिक रोजगार व्यवसायी भएको बताइएको छ । उनको छातिमा गोली लागेको थियो ।
एउटा मोटरसाइकलमा आएका २ जना अपरिचित व्यक्तिले पुरीलाई घरबाट बोलाएर घर नजिकै गोली प्रहार गरी भागेका थिए । घटनामा संलग्न भएको आशंकामा प्रहरीले ३ जनालाई पक्राउ गरेको छ ।