गोरखा ।
आँबुखैरेनी गोरखा सडकखण्डमा बस र ट्रक एक आपसमा ठोक्किँदा १८ जना घाइते भएका छन्।
आँबुखैरेनीबाट पालुङ्टार ९ सेरा पौवाटारतर्फ जाँदै गरेको ना ७ ख २०७० नम्बरको बस र गोरखाबाट आँबुखैरेनी जाँदै गरेको ना ५ ख ५८११ नम्बरको ट्रक मंगलबार साँझ सवा पाँचबजेतिर एक आपसमा ठोक्किएर दुर्घटना भएको डीएसपी महेन्द्र नेपालले जानकारी दिए।
दुर्घटनामा घाइते भएकाहरूको स्थानीय छिम्केश्वरी अस्पतालमा उपचार भइरहेको उनले बताए।
घाइतेमध्ये सुमित्रा नहरकोटी र भोजराज बराल गम्भीर छन्। उनीहरूलाई थप उपचारका लागि चितवनको पुरानो मेडिकल कलेजतर्फ लगिएको इलाका प्रहरी कार्यालय आँबुखैरेनीले जनाएको छ।
घाइतेहरुको थप विवरण आउन बाँकी रहेको प्रहरीले जनाएको छ। ट्रक र बसका चालक प्रहरीको नियन्त्रणमा छन्।
प्रतिक्रिया