सन्दिप खेलेनन् तर जित्यो दिल्लीले, रिसभको विष्फोटक ब्याटिङ

मायादेवी अनलाइन ।

आइपिएल क्रिकेटमा सन्दिप लाकिछाने सम्मिलित टिम दिल्ली क्यापिटल्स्ले विजयी सुरुवात गरेको छ । हिजो भएको चौथो खेलमा मुम्बई इण्डियन्समाथि ३७ रनको जित निकाल्दै दिल्लीले विजयी सुरुवात गरेको हो । टस हारेर पहिले ब्याटिङको निम्तो पाएको दिल्लीको लागि रिसभ पन्तले धुँवादार ब्याटिङको मद्धतमा २ सय १३ रन बनायो । उनले २७ बलमा ७८ रन बनाए । उनले ७ चौका र ७ छक्का प्रहार गरे । यस्तै कोलिन इन्ग्रामले अर्धशतक बनाउनबाट चुके । उनले ३२ बलमा ४७ रन बनाए । यस्तै शेखर धवनले ४३ रन बनाउन सफल भएका थिए । मुम्बइको लागि बुम्राह, बेन कटिङ र हार्दिक पाण्डेले एकएक विकेट लिए ।
२१४ रनको लक्ष्य पाएको मुम्बई १९ ओभर २ बल खेल्दै १७९ रनमा अल आउट हुँदै पराजित भयो । मुम्बइको लागि युवराज सिँहले अर्धशतक बनाए । उनले ३५ बलमा ५३ रनको पारी खेले भन,कुर्नाल पाण्डेले ३२, क्विनटन डिककले २७ र पोलार्डले २१ रन बनाए पनि अन्य खेलाडीले खासै राम्रो रन बनाउन सकेनन् । दिल्लीका रावडा र, इशान्त शर्माले दुइदुइ विकेट लिएका थिए । हिजोको खेलमा भने सन्दिप लामिछाने खेल्न पाएका थिएनन् ।

त्यसअघि हिजोको पहिलो खेलमा कोलकाताले सनराइजर्स हैदराबादलाई ६ विकेटले पराजित गरेको थियो । कोलकातास्थित मैदानमा भएको खेलमा टस हारेर ब्याटिङको निम्तो पाएको हैदराबादले २० ओभरमा तीन विकेट गुमाउँदै १८१ रनको बलियो योगफल तयार पारेको थियो । यसका लागि डेभिड वार्नरले ८५ रनको विस्फोटक इनिङ खेले । विजय शंकरले पनि अविजित ४० रनको योगदान दिए । १८२ रनको लक्ष्य कोलकाताले २० ओभर पूरा हुन दुई बल बाँकी रहँदा चार विकेट गुमाएर पूरा र्गयो । कोलकाताका लागि नितिस रानाले ६८ रनको जोडे । उनले ४७ बलमा ८ चौका र ३ छक्का प्रहार गरेका थिए । एन्ड्र्यू रसेलले १९ बलमा ४९ रन बनाउँदा चार चौका र चार छक्का प्रहार गरे । रोबिन उथपाले ३५ तथा शुभमन गिलले १८ रनको योगदान दिए ।
प्रतियोगितामा आज एक मात्र खेल हुँदै छ । आज साँझ साँझ हुने खेलमा क्रिस गेल सम्मिलित किंग्स इलाभेन पञ्जाबले राजस्तान रायल्सको सामना गर्ने छ ।