टिप्परको ठक्करबाट अर्जुन केसी गम्भिर घाइते !

मायादेवी अनलाइन, बुद्धभूमि ।
कपिलवस्तुको बुद्धभूमि नपा वडा नं. ९ चौवन्नपुरमा टिप्परको ठक्करबाट एक जना घाइते भएका छन् । मंगलबार साँझ भएको दुर्घटनामा अर्जुन केसी घाइते भएका हुन् ।
घाइते हुने केसी इमिलियाका हुन् । पश्चिमबाट पूर्व तर्फ आउँदै गरेको ना ८ ख ४४८८ नम्बरको टीप्परले पश्चिमबाटै पूर्व आउँदै गरेको लु ११ प ६२६३ नम्बरको मोटरसाइकललाई ठक्कर दिएको हो ।
घाइते केसीलाई सामान्य उपचार पछि बुटवल रिफर गरिएको इलाका प्रहरी कार्यालय गोरुसिंगेले जनाएको छ । उनको अवस्था गम्भिर रहेको बताइएको छ ।