मायादेवी अनलाइन, कृष्णनगर ।
‘इजि एवान क्वीज सिजन टु’ को फाइलनका लागि सेन्ट ज्यूड्स सेकण्डरी स्कूलले कृष्णनगर नगरपालिकाबाट प्रतिनिधित्व गर्ने भएको छ । नगरपालिका छनौट स्तरीय प्रतियोगीतामा विभिन्न विद्यालयलाई पछाडि पार्दै सेन्ट ज्यूड्सले फाइनलमा स्थान पक्का गरेको हो ।
ए वान मिडिया सेन्टरका अध्यक्ष दिपक अनुरागीको अध्यक्षता, शिक्षा शाखा प्रमुख रामकरण पालको प्रमुख आतिथ्यमा सम्पन्न प्रतियोगीतामा सेन्ट ज्यूड्स एकेडमी बहादुरगञ्ज द्धतीय र साहरा पब्लिक स्कूलले तृतीय स्थान पक्का गरेका छन् ।
कार्यक्रममा बोल्दै प्रमुख अतिथि पालले विद्यालयमा अतिरिक्त क्रियाकलाप हरेक विद्यावलयमा अनिवार्य रहेको बताउँदै ए वान मिडिया सेन्टरले गरेको कामको प्रशंसा गर्नुभयो । शिक्षालाई हेर्ने दृष्टिकोणमा अझैपनि आमूल परिवर्तन आउन नसक्दा कृष्णनगरको शैक्षिक गतिविधि सन्तोषजनक नभएको बताउनुभयो ।
कार्यक्रममा नेत्रज्योती माविका प्रिन्सिपल जयप्रकाश चौधरीले हरेक सरकारी विद्यालयमा अतिरिक्त क्रियाकलाप अनिवार्य भएको बताउनुभयो । विद्यार्थीको सिर्जनशिलतालाई बाहिर ल्याउनका लागि अतिरिक्त क्रियाकलाप मुख्य हतियार भएको हुँदा उनीहरुको क्षमता अनुसार शिक्षक सिकाई क्रियाकलाप अगाडी बढाउनुपर्ने आवश्यक्ता औल्याउनुभयो ।
सेन्ट ज्यूड्सका प्रिन्सिपल धरेन्द्र विक्रम सिंहले ए वान मिडिया सेन्टरले हाजिरीजवाफको माध्यमबाट उच्च शिक्षाका लागि विद्यार्थीहरुलाई पूर्ण छात्रबृत्ती प्रदान गर्ने कदम सराहनीय रहेको भन्दै आगामी दिनमा पनि यस्ता क्रियाकलाप आयोजना गर्न आग्रह गर्नुभयो ।
ए वान मिडिया सेन्टरका प्रबन्ध निर्देशक दीपेन्द्र कार्कीको सञ्चालन, सल्लाहकार चन्द्रकान्त न्यौपानेको स्वागत मन्तव्यमा सम्पन्न कार्यक्रममा शिक्षिका शारदा थापा लगायतले बोल्नुभएको थियो ।
प्रतियोगीतामा प्रथम, द्धतिय र तृतीय स्थान हासिल गर्नेलाई शिल्ड, मेडल र प्रमाणपत्रले सम्मानित गरिएको थियो । नगरपालिका स्तरीय कार्यक्रम अन्तर्रगत अब कपिलवस्तु नगरपालिका र महाराजगञ्ज नगरपालिकामा छनौट कार्यक्रम गर्न बाँकी छ । ६ नगरपालिकाबाट प्रथम स्थान हासिल गर्नेले होराइजन मावि बुटवल, एभरेष्ट मावि बुटवल र पारिजात मावि बनगाई कपिलवस्तुमा प्लस टु मा पूर्ण छत्राबृत्तीको लागि प्रतिस्पर्धा गर्नेछन् । प्रतियोगीताको मुख्य प्रायोजकमा क्यापिटल फुड्स प्रालि (इजि चाउचाउ) रहेको छ ।
प्रतिक्रिया