वैशाखमा गौरव र अनुको ‘पसिना’

काठमाण्डौ ।
नन स्टप क्रियशनको ब्यानरमा निर्माण भएको चलचित्र ‘पसिना’ले आफ्नो प्रदर्शन मिति तोकेको छ । यो चलचित्र आउँदो बर्षको वैशाख २७ गतेबाट देशभर रिलिज हुने भएको छ । निर्माता संजय महत्तोका अनुसार, वितरकसँग सल्लाहा गरेर चलचित्रको प्रदर्शन मिति फाइनल गरिएको हो ।

यो चलचित्रमा लेखन तथा निर्देशक आर।बी। खत्री ‘शरद’को छ । निर्देशक खत्रीले भने–‘हाम्रो चलचित्रको नारा नै, ‘गरौ सत्कर्म, बगाउ पसिना’ छ । पसिना बगाएर मात्र नहुने भन्दै सत्कर्म गर्न पनि आवश्यक रहेको सन्देश चलचित्रले दिने उनले बताए ।
चलचित्रमा शान्ता ढकाल र संजय महत्तोको लगानी छ । चलचित्रमा नायक गौरव पहारी, नायिका अनु शाहको साथमा सरोज खनाल, सरोज अर्याल, रवि गिरी, धु्रव कोइराला, शारदा गिरी, सुर्जन केसी लगायतका कलाकारको मुख्य भूमिका छ ।

चलचित्रमा राम केसीको छायांकन, राजनराज सिवाकोटी, दिपक शर्मा र फिरज राइको संगीत छ ।