वाणगंगामा गोली प्रहार, महिलाको मृत्यु

मायादेवी अनलाइन, वाणगंगा । 

कपिलवस्तुको वाणगंगा नगरपालिकामा एक महिलाको मृत्यु भएको छ । गएराती घरमै बसिरहेको बेला अज्ञात समूहको गोली प्रहारबाट अनिता पौडेलको मृत्यु भएको बताइएको छ ।

घटना वाणगंगा नगरपालिका वडा नं. ४ कुवेरापुरको हो । पोष्टमार्टमको लागि उनको शव अहिले तौलिहवा अस्पताल पठाइएको बताइएको छ ।
यद्यपि घटनाको वितृत वितरण भने आउन बाँकी छ । जिल्ला प्रहरी कार्यालय कपिलवस्तुका प्रहरी नायव उपरिक्षक रवि रावलले मृत्यु हुने महिला अनिता पौडेल रहेको पृष्टि गर्नुभयो । तर, घटना के कारण घटेको हो त्यो भने अनुसन्धानमै रहेको उहाले प्रष्ट पार्नुभयो ।

घटना के कारणले घटेको हो विस्तृत जानकारी आएको छैन ।
विशेष स्रोतका अनुसार राती खान खाएर घरमै बसिरहेको बेला दुई जना अपरिचित समूहले उनी माथि गोली प्रहार गरेका थिए । सधै आई रहने जस्ता देखिने दुई जना व्यक्तिले उनलाई घर बाहिर बोलाएर गोली प्रहार गरेको प्रत्यक्षदर्शीले देखेको बताइएको छ ।