छुट्टा छुट्टै दुर्घटनामा चार जनाको मृत्यु

कपिलवस्तु । 

बागलुङको जैमिनी नगरपालिका– ८ छिस्तीमा जीप दुर्घटना हुँदा ४ जनाको मृत्यु भएको छ । दुर्घटनामा ११ जना घाईते भएका छन् । हिजो साँझ स्थानीय जनकल्याण माध्यामिक विद्यालयको वार्षिकोत्सव मनाएर विद्यार्थी, शिक्षक र अभिभावकसहित फर्किंदै गरेको ध १ ज ७९१ नम्बरको जीप दुर्घटना भएको हो ।

दुर्घटनामा सोहि विद्यालयमा पढ्ने १२ वर्षिया ज्योती पुन, १५ वर्षिया प्रियंका पुन, १३ वर्षिया एलिना पुन र ३१ वर्षिय शिक्षक तुलसी पुनको मृत्यु भएको जिल्ला प्रहरी कार्यालय बागलुङले जानकारी दिएको छ । जीप सडकबाट १ किलोमिटर तल खसेको थियो । साँझ ६ः३० बजे जीप दुर्घटना भएको जैमिनी नगरपालिकाका नगरप्रमुख ईन्द्रराज पौडेलले जानकारी दिनुभयो । दुर्घटनामा घाईते हुने सबै ११ जना जैमिनी नगरपालिका –८ छिस्तीकै रहेका छन् ।

यसैबीच, पर्वतको बिहादी गाउँपालिका – ५ उरामपोखरामा ट्रयाक्टर दुर्घटना हुँदा २ जनाको मृत्यु भएको छ ।हिजो साँझ ध १ च ३१५ नम्वरको ट्याक्टर दुर्घटना हुँदा स्थानीय ट्याक्टरका मालिक पदमबहादुर नेपाली र ट्याक्टरका सहचालक विक्कु केसीको मृत्यु भएको हो ।

नेपालीको घटनास्थलमै र केसीको उपचारका क्रममा स्याङजा लैजादै गर्दा बाटोमै मृत्यु भएको जिल्ला प्रहरी कार्यालय पर्वतले जनाएको छ । ट्याक्टरका चालक भने सकुसल रहेका र अहिले प्रहरीको नियन्त्रणमा रहेका बताइएको छ ।