आज बिहान कुहिरो लाग्यो, दिनभरीको मौसम कस्तो होला ?

काठमाडौँ ।
काठमाडौँ उपत्यकासहित देशभर आइतबार बिहानको मौसम सामान्य रुपमा बदली रहेपनि दिउँसो घाम लाग्ने जल तथा मौसम पूर्वानुमान महाशाखाले जनाएको छ । तर अपरान्हपछि भने केही स्थानमा बदली भएर मेघगर्जनसहित वर्षा हुने सम्भावना रहेको छ ।
बिहानी पख अधिकांश क्षेत्रमा कुहिरो लागेको महाशाखाले जनाएको छ । कुहिरो हटेर बिस्तारै घाम लाग्ने र अपरान्हपछि भने फेरि बदली हुने महाशाखाको भनाई छ।
मौसमविद मञ्जु बासीले बिहानीपख कुहिरो लागेपनि अधिकांश क्षेत्रमा दिउँसो घाम लाग्ने र अपरान्हपछि भने केही स्थानमा मेघगर्जनसहित वर्षा हुन सक्ने बताइन् ।
विशेष गरी पश्चिमी पहाडी, पूर्वी पहाडी क्षेत्रमा अपरान्हपछिको मौसममा बदली भएर केहीबेर मेघगर्जनसहित पानी पर्ने सम्भावना रहेको उनले बताइन् ।