दाङमा बस दुर्घटना, ४५ जना घाइते

दाङ ।

दाङमा २ वटा यात्रुबाहक बस दुर्घटना हुँदा ४५ जना घाइते भएका छन । दंगीशरण गाउँपालिका– ७ श्रीगाउँको बोगटीमा २ वटा बस एकआपसमा ठोक्किँदा भएको दुर्घटनामा घाइते मध्ये ३ जनाको अवस्था गम्भीर रहेको इलाका प्रहरी कार्यालय तुलसीपुरले जानकारी दिएको छ ।

तुलसीपुरबाट पश्चिम जाँदै गरेको रा १ ख १७७० नम्बरको बस र शान्तिनगरको खैरेनीबाट तुलसीपुर आउँदै गरेको ना ८ ख १०१७ नम्बरको बस एकआपसमा ठोक्किँदा दुर्घटना भएको प्रहरी निरीक्षक भीमबहादुर कार्कीले बताउनुभयो ।