‘गल्ली ब्वाई’ हेरेपछि प्रशंसक भन्छन् बलिउडमा अब रणवीर युगको सुरुवात भयो

नयाँ दिल्ली ।
पछिल्लो समय बलिउडमा राज गरिरहेका खानलाई टक्कर दिन रणवीर सिंह उपस्थित भएका छन्।
तीन खानमध्ये यो पछिल्लो समय रिलिजमा आएका अमिर र शाहरुख खानका फिल्मले कुनै प्रभाव जमाउन नसकेपछि प्रशंसकहरुले नै बलिउडमा रणवीर सिंहको असल दिन आएको विश्लेषण गर्न थालेका हुन्। तीन खानमध्येका एक सलमानको फिल्म ‘भारत’ भने प्रदर्शनको त्यारमिा रहेकाले उनको हकमा यो विश्लेषण गर्न हतार हुने एकथरीको भनाइ छ।

पछिल्लो समय एपछि अर्को हिट फिल्म दिँदै आएका रणवीरको अधिल्लो फिल्म ‘सिम्बा’ले बलिउडमा बक्स अफिसमा कयौँ रेकर्ड समेत राख्न सफल भएको थियो।बिहीबार १४ फेब्रुअरी अर्थात भ्यालेन्टाइन डेको दिन रिलिज भएको सिंहको नयाँ फिल्म ‘गल्ली ब्वाई’ हेरेपछि रणवीरका प्रशंसकहरुले बलिउडमा रणवीर युगको सुरुवात भएको बताएका छन्।
बहुपतीक्षित मानिएको गल्ली ब्वाईमा रणवीर एक गल्ली र्यापरको भूमिकामा देखिएका छन्। रणवीर र आलिया भट्टको शीर्ष भूमिका रहेका छन्।
फिल्मको पहिलो दिनको कमाइ सार्वजनिक नभए पनि अनलाइन बुकिङमार्फत ८ करोड कमाइ सकेको छ भने दर्शक तथा विश्लेषकबाट राम्रो प्रतिक्रिया पाएका कारण फिल्म सफल हुने अनुमान गरिएको छ।