चट्याङ लागेर दाङमा एक वृद्धा घाइते, दुई घर जले

दाङ ।
दाङ देउखुरीको गढवा गाउँपालिका वडा नम्बर ७ को चन्दनपुरमा चट्याङ पर्दा एक वृद्धा घाइते हुनुभएको छ । गढवा गाउँपालिका वडा नम्बर ७ चन्दनपुर निवासी ७० वर्षीया मोती विक घाइते भएको इलाका प्रहरी कार्यालय गढवाले जानकारी दिएको छ ।
शुक्रबार राति करिब ३ बजेको समयमा परेको चट्याङले दुईवटा घरसमेत जलेर नस्ट हुँदा करिब पाँच लाख बराबरको क्षती भएको प्रहरीले जानकारी दिएको छ ।
चट्याङमा परेर घाइते हुनु भएकी विकलाई लमही अस्पतालमा प्रारम्भिक उपचार पछि थप उपचारका लागि घोराही रिफर गरेको लमही अस्पतालले जानकारी दिएको छ ।