दीपा महत, कपिलवस्तु ।
स्वतन्त्र विद्यार्थी युनियन स्ववियु सिद्धार्थ क्याम्पसले आयोजना गरेको खेलसप्ताह अन्तरगत विजयी विद्यार्थीलाई आज एक कार्यक्रमका विच पुरस्कार वितरण गरेको छ । सिद्धार्थ क्याम्पस बुंचीमा आज सरस्वती पुजाको अवसरमा प्रतियोगितामा विजयी हुनुका साथै म्यान अफ दि म्याच र म्यान अफ दि सिरिज भएका विद्यार्थीलाई पुरस्कार वितरण गरिएको हो । साथै सरस्वती पुजाको अवसरमा क्याम्पसमा पुजाआजा पनि गरिएको थियो । कार्यक्रममा बोल्दै प्रदेश सांसद विष्णु पन्थीले क्याम्पसमा यस प्रकारका कार्यक्रम गरेमा स्ववियुलाई धन्यवाद दिनुभयो । उहाले स्ववियु लाई सरस्वतीको मूर्ती समेत हस्तान्त्रण गर्नुभयो । 
विद्यार्थीको स्वास्थ्य तथा मानसिक विकासका लागि यस्ता प्रतियोगिता आवश्यक भएको भन्दै स्ववियुको काम सह्रानिय रहेको उल्लेख गर्नुभयो । कार्यक्रम दिनेश चौधरीको अध्यक्षता, सांसद पन्थीको प्रमुख आतिथ्य स्ववियू सदस्य हरि ढुङगानाको स्वागत र स्ववियु सभापति सुसिल खत्रीको सञ्चालनमा सम्पन्न भएको हो । 
कार्यक्रममा क्याम्पस संचालक समिती अध्यक्ष झविलाल पोख्रेल, क्याम्पस प्रमुख बालाराम ज्ञवाली, क्याम्पस सहायक प्रमुख खेमराज शर्मा, प्रध्यापक गोविन्द खनाल लगाएतले बोल्नुभएको थियो । सिद्धार्थ क्याम्पस स्ववियुले खेल सप्ताह अन्तरगत १० भन्दा बढी प्रतियोगिता सञ्चालन गरेको थियो । 
प्रतिक्रिया