खैरो हेरोईन सहित युवा पक्राउ

मायादेवी अनलाइन, कृष्णनगर ।
कपिलवस्तुको कृष्णनगर नगरपालिका स्थित लिङ्क गेटमा एक स्थानीय युवा खैरो हेरोईन सहीत पक्राउ परेका छन । प्रहरीले स्थानीय २५ बर्षे गोरखा धोबीलाई ५ सय १० मिलिग्राम खैरो हेराईन सहीत पक्रेको हो ।
भारतको बढनी बजारबाट नेपाल छिरे लगत्तै शरीरको खानतलासी लिदा सानो कागजको ३७ वटा पुडियामा राखेको अवस्थामा सो फेला परेको प्रहरी नायब उपरिक्षक रबि रावलले बताए ।
यस्तै पक्राउ परेका धोबीबाट प्रहरीले स्पास्मो १०, नाईट्रोभेट ४ चक्की बरामद गरेको छ । पक्राउ परेको धोबीलाई लागु औषधको मुद्दामा अदालतबाट ६ दिनको मयाद थपी अनुसंधान अघि बढाईएको प्रहरी नायब उपरिक्षक रावलले बताए ।