भारतको बिहारमा रेल दुर्घटना ७ जनाको मृत्यु

एजेन्सी ।
भारत बिहारको सहदेई बुजुर्गमा रेल दुर्घटना हुँदा कम्तिमा ७ जनाको ज्यान गएको छ । जोगबनीबाट दिल्लीका लागि छुटेको सीमाञ्चल एक्सप्रेसको रेलका डिब्बा आइतबार बिहान लिकबाट बाहिर जाँदा दुर्घटना भएको हो ।
समाचार संस्था पिटिआई तथा एएनआईका अनुसार हाजीपुर–बछवाडा रेल खण्डको महनार र सहदोई स्टेशनको बिचमा दुर्घटना भएको हो । दुर्घटनामा धेरै यात्रु घाइते भएका छन् ।पिटिआईले पूर्व मध्य रेलवेका प्रवक्ता राजेश कुमारलाई उद्धृत गर्दै बिहान करिब चार बजेतिर भएको दुर्घटनामा रेलका ११ वटा डिब्बा लिकबाट बाहिर गएको जनाएको छ ।

उनले एएनआईसँग पनि अहिलेसम्म ७ जनाको ज्यान गएको पुष्टि गरेका छन् । तीव्र गतिमा रहेका बेला रेल दुर्घटनामा परेको हो । अहिले डाक्टरसहितको उद्धार टोली घटनास्थलमा रहेको उनले जानकारी दिएका छन् ।