वाणगंगाको वभनीमा मोटरसाइकल दुर्घटना, दुई जनाको मृत्यु

मायादेवी अनलाइन, वाणगंगा ।

कपिलवस्तुको वाणगंगामा मोटरसाइकल दुर्घटना हुँदा दुई जनाको ज्यान गएको छ । गएराती वाणगंगाको वभनी भन्ने स्थानमा मोटरसाइकल अनियन्त्रित हुँदा दुई जनाको ज्यान गएको इलाका प्रहरी कार्यालय पिपराले जनाएको छ ।
मृत्यु हुनेमा वाणगंगा नगरपालिका वडा नं. ५ निवासी अन्दाजी बर्ष २३ का सुरज थापा र सोही स्थानका अजय थापा रहेका छन । दुर्घटनाबाट सोही स्थानका प्रकाश क्षेत्री गम्भिर घाइते भएका छन । उनको अहिले बुटवल स्थित अस्पतालमा उपचार भैरहेको इलाका प्रहरी कार्यालय पिपराका प्रहरी निरिक्षक चन्द्र बहादुर केसीले जानकारी दिए । मोटरसाइकलमा तीन जना सवार थिए । दुर्घटनाको थप अनुसन्धान भैरहेको प्रहरीले जनाएको छ ।
उत्तरबाट दक्षिणी तर्फ गैरहेको लु १५ प ६५९० नं.को मोटरसाइकलमा दुर्घटना भएको हो । दुर्घटना राती करिब १ बजे तिर भएको प्रहरीको भनाई छ ।