एजेन्सी ।
इटालियन सिरी ए फुटबलमा लिग लिडर युभेन्टसले चिभोलाई पराजित गरे पनि रोनाल्डो भने पेनाल्टीमा चुकेका छन् ।
सोमबार राति भएको खेलमा रोनाल्डोले पेनाल्टी गोल गरेको भए घरेलु टोली युभेन्टसले चिभोमाथि ४–० को सहज जित निकाल्ने थियो । युभेन्टसको जितमा डौग्लास कोष्टा, इम्रे केन र ड्यानिइल रुगनीले गोल गरे । त्यस्तै अन्य प्रहारमा पनि रोनाल्डो चुकेका थिए ।
जितपछि लिग लिडर युभेन्टसले २० खेलबाट ५६ अंक बनाएको छ । पराजित चिभोको भने २० खेलबाट आठ अंक मात्रै रहेको छ । लिगको दोस्रो स्थानमा भने नेपोली रहेको छ । उसको २० खेलबाट ४७ अंक रहेको छ ।
प्रतिक्रिया