काठमाडौँ ।
देशका पश्चिमी भूभागमा सामान्य बदली तथा पूर्व र मध्य पहाडी भूभागमा आंशिक बदली रहेपनि अन्य स्थानमा आजको मौसम सामान्यता सफा रहने जल तथा मौसम पूर्वानुमान महाशाखाले जनाएको छ ।
मौमसविद राजु प्रधानाङ्गले पश्चिमी भेगका केही स्थानमा क्षणिक वर्षा हुन सक्ने सम्भावना रहेको जानकारी दिनुभयो । उहाले पश्चिमका उच्च पहाडी भूभागमा हिमपातको सम्भावना पनि रहेको बताउनुभयो । काठमाडौँ उपत्यकामा पनि दिउँसो बदली नै रहने मौसमविद प्रधानाङ्गको भनाई छ ।
दिउँसो घाम लागेपनि बदली नै रहने भएकोले मंगलबारको तुलनामा बढी चिसो महसुस हुन सक्ने उहाले बताउनुभयो । काठमाडौँ उपत्यकामा आज बिहानको न्यूनतम तापक्रम ३ डिग्री मापन भएकोमा अधिकतम तापक्रम १८ देखि २० डिग्री सेल्सियसको बीचमा रहने अनुमान गरिएको छ ।
प्रतिक्रिया