एक वेवारिसे शव फेला

शिवलाल सुवेदी, गुल्मी ।

जिल्लाको मुसिकोट नगरपालिकामा एक वेवारिसे पुरुषको शव फेला परेको छ । मुसिकोट नगरपालिका ६ कुर्घा भुवाचिदी बजार नजिकै अन्दाजी ४० बर्षको पुरुष्को शव फेला परेको जिल्ला प्रहरी कार्यालय गुल्मीका प्रमुख प्रहरी उपरिक्षक दिपक कुमार वस्नेतले जानकारी दिएका छन । वस्नेतका अनुसार शव तराई मुलको मानिसको जस्तो देखिने बताए । भुवाचिदी बजारका ब्यापारी तथा स्थानीय समाजसेवी ज्ञानहरि सापकोटाका अनुसार उक्त ब्यक्ति केही महिना अगाडिदेखि कहिले भुवाचिदी बजार, कहिले वामीटक्सार र कहिले इन्द्रेगौडा बजारमा हिडडुल गरिरहने गरेको बताए । शव वेवारिसे अवस्थामा भेटिएकाले शवलाई जिल्ला अस्पताल तम्घासको शवगृहमा राखिएको गुल्मी प्रहरीले जनाएको छ ।

यता एक महिला पनि इस्मा गाउँपालिकामा फेला परेकी छिन । स्थानीयले घासदाउरा गर्ने क्रममा जगंलमा एकै कराईरहेको अवस्थामा देखेपछि प्रहरीलाई खवर गरेका थिए । नेपाली वोल्न नजान्ने बृद्ध अवस्थामा रहेकी ती महिलाको जिल्ला अस्पताल तम्घासमा उपचार भैरहेको छ । आफ्नो नाम थर ठेगाना केही पनि बताउन नसक्ने ती महिला एक्लै कराईरहने प्रहरीले जनाएको छ ।