करोडौंलाई रुवाउँदै पवन बाहिरीए, सैनामैनाका बराल टप फाइभमा !

कपिलवस्तु । 

राष्ट्रिय गीत गाउने बिहीबारको श्रृखलामा धमकेदार प्रस्तुती दिएर सबैको मन जितेका नेपाल आइडलका रकस्टार पवन गिरी वाहिरिएका छन । उनी नेपाल आइडलको टप ६ बाट बाहिरिएका हुन । गिरी बाहिरिदा उत्कृष्ट पाँचमा भने विक्रम बराल, रवि ओड, अस्मिता अधिकारी र सुमित पाठक परेका छन ।

शंकरदेव कलेजमा बीबीएस अध्ययनरत दोलखाका गिरी भर्सटायल स्वरका कारण निकै चर्चामा थिए । उनी बाहिरिदा कार्यक्रमका प्रमुख जज न्यू ब्रजाचार्यको आखाँबाट आँशु नथामिदा उनका करोडौ फाय्नहरु पनि आँशु झार्न बाध्य भए । ब्रजाचार्यले निर्णायक स्थानबाट मैले यूट्युवमा हेर्ने मध्ये पवन पहिलो भएको बताए पछि गिरी स्तब्ध भएका थिए ।

उनी नेपाल आइडल सिजन १ मा पनि सहभागी थिए । पहिलो सिजनमा छनोट नभएपछि केही समय उनी निकै निराश भएका थिए । कार्यक्रम फाइनल राउन्डको नजिक पुग्दा नेपाल आइडलको चर्चा चुलिँदै गएको छ । विश्वमै सबैभन्दा बढी हेरिने कार्यक्रमको दोस्रो नम्बर पर्न सफल भएको छ, नेपाल आइडल । ‘मन जित्छ उसले, राम्रो गाउँछ जसले’ नाराका साथ नेपाल आइडल सिजन–२ गत साउन २४ देखि सुरु भएको हो । यो हप्ता सुमित पाठक र अमित बराल बटम थ्रीमा परे । रवि ओडले यो हप्ता सबैभन्दा बढी भोट पाए ।