ट्रकको ठक्करबाट गम्भिर घाइते युवाको मृत्यु, चालक प्रहरीको नियन्त्रणमा

दीपा महत, कपिलवस्तु ।
कपिलवस्तुमा बुधबार ट्रकको ठक्करबाट एक जनाको मृत्यु भएको छ । आज दिउसो सवा ११ बजे बुद्धभुमी नगरपालिका २ हरपुर खोला स्थित महेन्द्र राजमार्गमा ट्रक र मोटरसाईकल एक आपसमा ठोकिदा मोटरसाईकल चालक बुद्धभुमी नगरपालिका २ गोरुसिंगे निवासी २५ वर्षिय सबिकुल पफियाको मृत्यु भएको हो ।
ट्रकको ठक्करबाट गम्भीर घाईते पफियाको लुम्बिनी अञ्चल अस्पतालमा उपचारको क्रममा मृत्यु भएको हो ।
आज पूर्वबाट पश्चिम तर्फ जादै गरेको ना ६ ख १२०१ नम्बरको ट्रक र विपरित दिशातर्फ जादै गरेको लु ३६ प ४९९३ नम्बरको मोटरसाईकल एक आपसमा ठोकिएका थिए । ट्रक र चालक लाई नियन्त्रणमा लिई थप अनुसन्धान भैरहेको ईलाका प्रहरी कार्यलय गोरुसिंगेले जनाएको ।