दैलेख अपडेटः जीप दुर्घटनामा ज्यान गुमाउनेको संख्या ५ पुग्यो

दैलेख ।
दैलेखमा जीप दुर्घटना हुँदा ज्यान गुमाउनेको संख्या ५ पुगेको छ ।दुर्घटनामा दैलेखको ठाटीकाँध गाउँपालिका–३ का राजेन्द्र शाही र निर्मला बमको घटनास्थमा नै ज्यान गएको हो । यस्तै चालक रमेश शाही, रत्न शाही र दिलिप शाहीको उपचारका लागि लैजाँदै गर्दा बाटोमा ज्यान गएको प्रहरीले जनाएको छ ।
दुर्घटनामा घाइते भएका तीन जनाको उपचारका लागि सुर्खेत पठाइएको डीएसपी ठाकुर पोखरेलले जानकारी दिनुभयो ।
सुर्खेतबाट दैलेखको ठाटीकाँध गाउँपालिका–३ बहाँकोट बिसलाका लागि छुटेको भे १ च २२ ०७ नम्बरको जीप दैलेखको ठाटीकाँध गाउँपालिकामा दुर्घटनामा परेको हो ।