अलविदा राजाबाबु ! हजारौंको उपस्थितीमा अन्येष्टि, ७ जना विरुद्ध किटानी जाहेरी

मायादेवी अनलाइन, कपिलवस्तु ।
शुक्रवार राति गोली हानी हत्या गरिएका राजावाबु भनिने दीपेन्द्र चौधरीको आइतबार अन्येष्टि गरिएको छ । अन्येष्टि पूर्व दिउँसो शवयात्रा निकालिएको थियो । शवयात्रामा हजारौ जनताहरु सहभागी थिए । मोतिभारीबाट निकालिएको शवयात्राले गाउँको परिक्रमा गरी बिठुवामा रहेको स्थानीय सन्तघाट नदीमा दाहसंस्कार गरिएको छ । दाहसंसकार अघि नेकपाका नेता बलराम अधिकारी, बावुराम खनाल बिजय जैसवाल लगायतका नेताले पार्टीको झण्डा ओढाएर सम्मान प्रकट गरेका थिए

जिल्लाको शुद्धोदन गाउँपालिका– ४ मोभिभारीका युवा नेता राजावाबुको हत्यामा ७ जना बिरुद्ध किटानी जाहेरी परेको छ । मृतक बुवा रामरक्षा चौधरीले आइतवार इलाका प्रहरी कार्यालय पकडीमा किटानी जाहेरी दिएका हुन् । दर्ता भएको जाहेरीमा तत्कालिन गाबिस प्रधान रमाकान्त पाण्डेयका छोरा र आफन्त गरी ४ जना तथा ३ जना छिमेकी रहेको प्रहरी नायब उपरिक्षक रबि रावलले बताए ।
त्यस मध्ये दिलिप नाउँ र गोली प्रहार गर्ने बन्टीका दाजु बुल्टु भन्ने अमित पाण्डेलाई घटनाको दिन राती नै नियन्त्रणमा लिइएको उनले बताए । घटनाका मुख्य अभियुक्त भने बन्टी भनिने अजित पाण्डे सहीत अन्य ५ जना भने फरार रहेका छन । उनको समेत खोजी भईरहेको प्रहरीले जनाएको छ ।