आठौ कपिलवस्तु डान्स आइडलकोे छनौट कार्य शुरु, को बन्ला आइडल ?

मायादेवी अनलाइन, चारनम्बर ।
दशौ कपिलवस्तु महोत्सवको मुख्य आकर्षणको रुपमा रहेको कपिलवस्तु डान्स आइडलको पहिलो चरणको छनौट कार्य शुरु भएको छ । संघको कार्यालय चारनम्बरमा शनिबारदेखि पहिलो चरणको आठौ कपिलवस्तु डान्स आइडलको अडिसन शुरु भएको हो ।
पहिलो चरणको छनौट अन्तरगत ४५ जना प्रतियोगी सहभागी भएका थिए । अडिसनका लागि सहभागी भएका ४५ जना मध्ये २० जना पहिलो चरणको छनौटमा परेको कपिलवस्तु डान्स आइडलका संयोजक विरेन्द्र खाँणले जानकारी दिनुभएको छ । आठौ कपिलवस्तु डान्स आइडलका लागि पहिलो, दोश्रो र तेश्रो चरणबाट प्रतियोगीहरुको छनौट गरिने आयोजकले जनाएको छ ।
आज सम्पन्न पहिलो चरणको छनौटमा उद्योग उपाध्यक्ष छविरेश्मी मगर, समाजसेवी विष्णु थापा र विरेन्द्र खाण निर्णायकको भूमिकामा रहनुभएको थियो । कार्यक्रममा कपिलवस्तु उद्योग वाणिज्य संघका अध्यक्ष तथा महोत्सवका संयोजक उमानाथ पौडेल, वाणिज्य उपाध्यक्ष हुमनाथ पौडेल, महासचिव लक्ष्मण अधिकारी लगायतका पदाधिकारी सदस्य तथा पत्रकारको उपस्थिती रहेको थियो ।