बसले मोटरसाइकललाई ठक्कर दिँदा दुईको मृत्यु

नवलपरासी ।
पूर्व–पश्चिम राजमार्ग अन्तर्गत नवलपरासीको गैंडाकोट नगरपालिका–१३, मुकुन्दपुरमा शनिबार बिहान बसले मोटरसाइकललाई ठक्कर दिँदा दुई जनाको ज्यान गएको छ ।
ना ५ ख ३९८७ नम्बरको बसले ना ५६ प ३८५१ नम्बरको मोटरसाइकललाई ठक्कर दिँदा मोटरसाइकलमा सवार दुईजनाको मृत्यु भएको हो ।
दुर्घटनामा परि मृत्यु हुनेमा गैंडाकोट नगरपालिका ८ बस्ने २० वर्षीय अनिल पौडेल र गैंडाकोट १ बस्ने १९ वर्षीय कृष्ण सापकोटा रहेका छन् ।
दुर्घटनामा परि घाइते भएका दुवै जनाको उपचारका लागि अस्पताल लैजाने क्रममा एक जनाको बाटोमा र एक जनाको अस्पताल र्पुयाएपछि मृत्यु भएको इलाका प्रहरी कार्यालय गैंडाकोटले जनाएको छ ।