कृष्णनगरमा पनि इस्लाम धर्मका प्रवतर्क पैगम्बरको जन्मदिन मनाइयो

अजय मिश्र, कृष्णनगर ।
कपिलवस्तुको कृष्णनगरमा पनि इस्लाम धर्मका प्रवतर्क हजरत मोहम्मद पैगम्बरको १४९३ औं जन्मदिन मनाइएको छ । कृष्णनगर नगरपालिका वडा नं. २ का अन्जुमन पासवाने अहले सुन्नतले आयोजना गर्नुभएको र्याली शान्तिपूर्ण रुपमा भएको थियो । यो कार्यक्रममा मुस्लिम धर्मको धर्मगुरु, नवयुवक लगायतहरु एकत्रीत भई आफ्नो देश र इस्लामिक झण्डा लिए बाजागाजाका साथ पुरै कृष्णनगर बाजार भित्र घुम्ने र एक अर्कालाई पानी र मीठो पकवान पनि खुवाएका थिए ।
हजरत मोहम्मदको जन्म इस्लामी पात्रो हिजरी सम्बतको १२ रब्बीअब्वल महिनामा साऊदी अरबको मक्कामा बिबी अमिनाको काखबाट भएको बताईन्छ । उनको स्वर्गबास ६३ बर्षको उमेरमा साऊदी कै मदीनामा भएको थियो । मोहम्मदको जन्मदिनमा बिभिन्न नाअत शरिफ वाचन गर्ने तथा उनका उपदेश र वाणीको स्मरण गर्ने गरिन्छ ।
कार्यक्रममा अन्जुमन पासवाने अहले सुन्नतका अध्यक्ष निसार फारुकी, मदरसा जामिया ईस्लामिया नाईमियाका अध्यक्ष अब्दुल कलाम, अकिल मिया, मोहम्मद सलिम, अब्दुल रहमान, अकरम पठान, आसिफ खान, मोहम्मद अली, हैदर अली, जैस मोहम्मद मौलाना अकील लगायत नवयुवकहरुको सहयोग र मेहनतले यो कार्यक्रम सफल भएको जानकारी निसार फारुकीले दिनुभएको छ ।